Покровскай тракт 10-16 км сир учаастактаах дьон холбоһон “Тускул” кээпэрэтиип тэринэн, бэйэлэрин микрооройуоннарыгар инфраструктураны киллэриигэ ылсыбыттара. Бэҕэһээ үрдүк күүрүүлээх уот ситимин бастакы баҕаната турда.
«2015 сылга Дьокуускай куорат дьаһалтатын, СӨ тутууга уонна архитектураҕа министиэристибэтин, ОДьКХ уонна энергетикэ министиэристибэтин кытта туһааннаах үлэ ыыттыбыт. Өйүөхтэрэ, көмөлөһүөхтэрэ диэн эрэнэбит. Саҕалааһын баар», — диэн “Тускул” бэрэссэдээтэлэ Николай Николаев кэпсээтэ.
Салгыы гаас, уу харыстанар, уот тардыллар зоналарыгар түбэспит учаастактары, социальнай объектар тутуллуохтаах сирдэрин, кыһыл линияны быһаарыахтаахтар.
«Сирдээх дьон кээпэрэтиип үлэтиттэн күүтэллэрэ элбэх, онон иннибит диэки куорат дьаһалтатын кытта баран иһэбит», — диэн түмүктээтэ бэрэссэдээтэл.
Уот бастакы баҕанатын “ЯкутЭнергоСтрой” ХЭТ бэдэрээччиттээх тэрилтэ туруорда. Үлэ 2018 сылга диэри түһүмэхтэргэ араарыллан салҕанара былааннанар.
