Нам оройуонун силиэстийэлиир отдела улуус биир сэлиэнньэтин 50 саастаах олохтооҕор бириигэбэри таһаарарга сөптөөх туоһу хомуллубутун туһунан биллэрдэ. Киниэхэ РФ Холуобунай кодексын 131 ыстатыйатын 4 чааһын «б» пуунунан, ол эбэтэр 14 сааһын туола илик оҕону иккитэ күүһүлээһин иһин холуобунай дьыала тэриллиннэ.
Силиэстийэ быһаарбытынан, 2014 сыл бэс ыйыгар уонна атырдьах ыйыгар эр киһи оҕотугар ыалдьыттыы кэлбит оскуолаҕа үөрэнэр кыыһы ким да суоҕар күүһүлээбит. Ити түмүгэр 2015 сыл кулун тутарыгар күүһүлэммит кыыс төрөөбүт.
Кыыс дьон сэмэтиттэн куттанан, бу туһунан кистээбит. Онон, кыыс хат буолбутугар эрэ буруйу оҥоруу биллибит.
Барыллааһын силиэстийэ кэмигэр уорбаланааччы буруйун билиммэтэх. Ити барыта икки өттүттэн сөбүлэҥ баарынан оҥоһуллубутун курдук эппит. Ол эрээри, силиэстийэ холуобунай дьыаланы тэрийэргэ сөптөөх туоһуну хомуйда.
Нам оройуоннааҕы суута 2016 сыл атырдьах ыйын 4 күнүгэр эр киһини буруйдааҕынан билиннэ уонна 14 сылга көҥүлүн хаарчахтаата. Кини кытаанах режимнээх холуонньаҕа киириэҕэ.
