29 Кулун тутар 29.03
  • -15°
  • $ 92,26
  • 99,71

Нам улууһугар аспаал суол Хатырыкка тиийиэҕэ

Читайте нас на
Яндекс Новости
ЯДВ

Бүгүн, алтынньы 22 күнүгэр, Нам улууһун салайааччылара регион бырабыыталыстыбатын оробуочай бөлөҕөр Салбанскай, Базовай, Нина Корякина уулуссалары, Нам — Хатырык суолун көрдөрдүлэр. Бу үлэлэргэ төһө үп көрүллүбүтүн, көрүллүөхтээҕин, төһө кээмэйдээх үлэ барыахтааҕын билиһиннэрдилэр, этиилэри киллэрдилэр.


Нам улууһугар СӨ бырабыыталыстыбатын бэрэссэдээтэлин бастакы солбуйааччыта Алексей Колодезников улуус баһылыгын, кини солбуйааччыларын, Ленскэй нэһилиэк баһылыгын, суолу оҥоро, аспааллыы сылдьар тутааччылары кытта көрүстэ, үлэ төһө хаачыстыбалаахтык ыытыллыбытын көрдө-иһиттэ.

 

Алексей Засимович: «Биһиги бүгүн Нам — Хатырык суола хайдах өрөмүөннэнэ турарын, аспаалланан эрэрин көрдүбүт. Үс сыл иһигэр Хатырыкка тиэрдэр суолу аспааллыырга өрөспүүбүлүкэбит Ил Дарханын сорудаҕа баар. Онон кэлэр сылга өссө уон биир биэрэстэлээх суолга аспаал ууруллуоҕа. Онтон хаалбытын 2021 сылга диэри ситэттэриэхпит. Бү үлэни сэргэ, Салбанскай уулусса өрөспүүбүлүкэ суолталаах суоллар испииһэктэригэр киллэриллибитинэн, аспааллааһын үлэтэ салгыы ыытыллыаҕа. Кэлэр сылга итиннэ 9 мөлүйүөн солкуобай өрөспүүбүлүкэ бүддьүөтүттэн көрүлүннэ.

Нина Корякина аатынан уулуссаны чөлүгэр түһэриигэ быйыл үлэ барда. Улуус дьаһалтата аспааллааһыны туруорсар. Кинилэр этэллэринэн, итиннэ ирдэнэр докумуон барыта бэлэм. Онон кэлэр сылга сайаапканы оҥордоҕуна, быһаарыахпыт.

«Куттала суох суол-иис туһунан» РФ национальнай бырайыагын олоххо киллэрии чэрчитинэн, Нам суола-ииһэ тупсарыллыытыгар элбэх үлэ ыытыллара былааннанар. Дьокуускай — Нам суолун, мыраан үрдүнээҕи 15 биэрэстэ усталаах кэрчиги, өрөмүөннээһиҥҥэ үлэ барыахтаах. Ол кырата суох үбүлээһини эрэйэр», — диэтэ.

СӨ Бырабыыталыстыбатын бэрэссэдээтэлин бастакы солбуйааччыта Алексей Колодезников быйылгы былааҥҥа киирбит Кыһыл Дэриэбинэ — Модут суолун оҥоруу, аспааллааһын сүрүн өттө бүппүтүн, үлэ хаачыстыбата куһаҕана суоҕун бэлиэтээтэ. Суол кытыытын толорон биэрии, дэхсилээһин хаалбыт.

 

Ааптар: И. ИВАНОВ, «Эҥсиэли» хаһыат», https://ulus.media

Следите за самым важным и интересным в Telegram-канале и WhatsApp-группе ЯСИА