Бу сарсыарда 05.00 чаас саҕана Национальнай медицинскэй киин сэттис этээһиттэн киһи ыстаммытын туһунан хобдох сурах тарҕанна. РФ Силиэстийэлиир кэмитиэтин Саха сиринээҕи управлениета иһитиннэрбитинэн, быһылаан буолбут сиригэр суһал-силиэстийэлиир бөлөх үлэлиир. Бу чахчынан процессуальнай бэрэбиэркэ ыытыллар.
Барыллаан быһаарыынан, бу пациент түннүккэ сүүрэн кэлээт, ыстанан кэбиспит.
Санатар буоллахха, хас да сыллааҕыта бу медкиин биир отделениетын сэбиэдиссэйэ дьахтар ахсыс этээстэн ыстанан өлбүтэ…
Биһиги корр., «Саха сирэ» хаһыат, edersaas.ru
Хаартыска: интэриниэттэн
This post was published on 27.07.2018 13:19 13:19