Сэтинньи 5 күнүгэр Былатыан Ойуунускай аатынан Судаарыстыбаннай бириэмийэ лауреата, СӨ култууратын үтүөлээх үлэһитэ, СӨ духуобунаһын Акадьыамыйатын акадьыамыга, Таатта улууһун Ытык Киһитэ, норуот маастара Борис Федорович Неустроев-Мандар Уус үгүс өрүттээх, араас хайысхалаах айар үлэтин киэҥ эйгэҕэ таһаарар сыаллаах «Мандар Уус ааҕыылара — 2020» эрэгийиэннэр икки ардыларынааҕы билим кэмпириэнсийэтэ буолар.
Билим кэмпириэнсийэтин Саха Өрөспүүбүлүкэтин бырабыыталыстыбата, М.К. Аммосов аатынан Хотугулуу-Илиҥҥи бэдэрээлинэй үнүбэрситиэт, Таатта улууһун дьаһалтата, И.М. Хатылаев аатынан Баайаҕа орто оскуолата тэрийэн ыыталлар.
Хамсык дьаҥа турбутунан сибээстээн кэмпириэнсийэ куйаар ситимигэр ыытыллыа: Zoom, сарсыарда 09:00-13:00 чааска.
Кэмпириэнсийэҕэ оскуола үөрэнээччилэрэ, устудьуоннар, маҕыстырааннар, аспырааннар, эдэр чинчийээччилэр уонна учуонайдар кыттыахтара.
Кэмпириэнсийэ туһунан сиһилии иһитиннэриини М.К. Аммосов аатынан Хотугулуу-Илиҥҥи бэдэрээлинэй үнүбэрситиэт саайтыгар https://www.s-vfu.ru/universitet/nauka/news/news_detail.php?SECTION_ID=&ELEMENT_ID=144123 көрүөххүтүн сөп.
