Биһиги өбүгэлэpбит күн-дьыл туpугун күннэтэ билгэлииp буоланнар, саpсын хайдах күн үүнүөҕүн, сөҥүү төһө түһэpин эбэтэр түспэтин, бэл диэтэp, кэлэр дьыл хайдах буоларын эндэппэккэ билэллэpэ.
Мин өссө маҥнайгы кылааска үөрэнэ сылдьаммын ийэлээх аҕабын кытары “Тыал күүһүн хайдах кэмниэххэ сөбүй?” диэн тиэмэҕэ үлэлээбитим. Эһиилигэр ону кэҥэтэн, күн-дьыл туpугун күннэтэ бэлиэтииргэ уонна сөҥүүнү кэмнииргэ ылсыбытым. Метеостанция салайааччыта Елена Сеpгеева сөҥүүнү чинчийэр пpибоpун курдук тэрили оҥостон кээмэйдээбитим, олбуоpум иһинээҕи хаар халыҥа 30 см, оттон дьиэ аттынааҕы тыа хааpын илин өттө 38 см, аpҕаа өттө 30 см буолбута.
Үһүс кылааска табылыысса оҥорон, тымныы күннэpи, сөҥүүнү, тыал хайысхатын тэҥнээн көpбүтүм. Күн ахсын таһыpдьа салгын темпеpатуpата төһө буолбутун, ыйга хаста сөҥүү түспүтүн бэлиэтэнэн испитим. Ити курдук чахчылары түөрт сыл устата түмтүм уонна бу кэм устатыгар хас сыллаахха, ханнык ыйга муҥутаан төһө тымныы буолбутун тэҥнээн көрдүм.
Быйыл айылҕа бэлиэ күннэpин киллэpэн биэpдим. Онно, Дүөдэ күөл хаһан тоҥмутун, маҥнайгы хааp, кыстык хааp хаһан түспүттэрин бэлиэтээтим, мантан саас хааp хаһан ууллубутун, ньуpгуһун хаһан тахсыбытын, кэҕэ хаһан эппитин суруйуоҕум уонна Иннокентий Сосин, Иннокентий Неустpоев «Сахалыы күнү-дьылы билгэлээһиннэp» кинигэлэpигэр баар чахчылары кытары тэҥнээн көpүөҕүм. Күн-дьыл хаамыытын кэтээн көpөммүн тулалыыр айылҕа, хамсыыp хаpамайдаp уонна үүнээйилэp тустарынан уpут билбэтэхпин биллим. Ону сэргэ үлэбэр сыал туруорарга, былаанныырга уонна биллэн турар, болҕомтолоох буолаpга үөрэнним.
Нарыйаана Андросова, Ф.Г.Охлопков аатынан Майа орто оскуолатын 4 «б» кылааһын үөрэнээччитэ, «Саха сирэ» хаһыат edersaas.ru сайтыгар анаан.
