Короленко уулуссатын 25 дьиэтигэр өлүүлэһэн тутууга кыттыбыт Алина Софроноваҕа хомунаалынай уонна дьиэ-уот өҥөтүн иһин улахан суумалаах счету түһэрбиттэрэ. Билигин 17 этээстээх дьиэ лиибин араараары олохтоохтору куттууллар. Бу туһунан кини бырабыыталыстыба отчуотун кэмигэр иһитиннэрбитэ.
Алина Софронова этэринэн, бу дьиэҕэ 600 ыал олорор.
“Бэс ыйыттан алтынньы ыйга диэри студиям иһин хомунаалынай өҥөҕө 43 тыһыынча солкуобайы төлүүрбэр счет туттарбыттара. Кураанах бөҕү-сыыһы тиэйии иһин иккис квитанциябынан 12 тыһыынчаны төлүөхтээхпин. Билигин итии уубутун араардылар, аны лииппитин араараары суоһурҕаналлар”, — диэн туран, былаас уорганын бэрэстэбиитэллэриттэн көмөлөһөллөрүгэр көрдөстө.
