Москваҕа Кыайыы Параадын көһөрөр туһунан быһаарыы ылылла илик. Лидердарга ыҥырыылар ыытыллыбыттар. Бу туһунан суруналыыстарга Кремльга эттилэр диэн, «Российская газета» суруйар.
Кыайыы Күнүн ыытыы формата хайдах буоларын туһунан суруналыыстар ыйытыыларыгар, президент пресс-сэкирэтээрэ Дмитрий Песков эппиэттээтэ. Кини ханнык да көһөрүү туһунан быһаарыы ылылла илигин эттэ. «Биллэр түгэнигэр тута иһитиннэриэхпит», — диэтэ кини.
Параад репетициятын туһунан ыйытыылары Песков байыаннай биэдэмистибэҕэ биэрэллэригэр эттэ. Кини бэлиэтээбитинэн, Оборуона министиэристибэтигэр, ордук войскаларга, «самоизоляцияҕа» туспа эрэһиим олохтонор.
Лидердары Кыайыы Параадыгар ыҥырыы суруктар чэрчилэринэн боппуруоска, Песков ыҥырыылар тириэрдиллибиттэрин, онно ыҥырыктаахтар туох быһаарыы ылыммыттарын туһунан чуолкай дааннай суоҕун эттэ. «Биһиги ыҥырыылары төттөрү ылбатыбыт«, — диэтэ кини.
«Биллэн турар, балаһыанньа уустук, онон биһиги тас дойдулар лидердарын быһаарыыларыгар өйдөбүллээхтик сыһыаннаһыахтаахпыт. Ити эрээри бүгүҥҥү күҥҥэ ханнык да атын быһаарыы ылылла илик», — диэтэ Песков.
