Хомойуох иһин, дьаҥ биирдэ эрэ кэлэн ааспат. Иккисттээн-үһүстээн төхтөрүйэн, көбөн кэлиэн сөптөөх.
Арассыыйа доруобуйаҕа харыстабылын министиэристибэтин кылаабынай инфекциониһа Елена Малинникова коронавирус иккис долгуна бастакытынааҕар мөлтөх буолуо диэн ыйар. Маны таһынан кини дойду олохтоохторун үгүстэрэ бу инфекцияҕа иммунитеттаныахтарын туһунан этэр. Эпидемия процеһын сокуонунан вирус иккис долгуна мөлтүүрэ булгуччулаах эбит.
Билигин тустаах министириэстибэ нэһилиэнньэ ити дьаҥҥа төһө иммунитеттааҕын, организмнара төһө туруулаһыан сөбүн быһаара, чинчийэ сылдьар.
Коронавирус иккис долгуна Арассыыйаҕа алтынньы бүтүүтүгэр, эбэтэр сэтинньигэ кэлиэн сөптөөҕүн туһунан көрдөрөр-иһитиннэрэр ситимнэр сырдатан тураллар.
