Нэһилиэнньэни социальнай көмүскээһин Дьокуускайдааҕы управлениетыгар «Дьиэ кэргэн» өрөспүүбүлүкэтээҕи хапытаалыгар бэһис тыһыынчалаах сертификаты Копыриннар дьиэ кэргэттэригэр үөрүүлээх быһыыга-майгыга туттардылар.
Элбэх оҕолоох Алена Николаевна уонна Иван Иванович Копыриннарга төрдүс оҕо Айталина күн сирин көрдө. Дьиэ кэргэн аҕа баһылыга: «Ийэ хапытаала хас биирдии элбэх оҕолоох дьиэ кэргэҥҥэ, ол иһигэр биһиэхэ эмиэ, улахан суолталах, биллэр көмө буолар«, — диэн бэлиэтээтэ.
Копыриннар билигин саҥа чааһынай дьиэ туттар былааннаахтар. Сирдээхтэр. Учаастактарын элбэх оҕолоох ыалларга сири босхо биэрии бырагырааматынан уонна ийэ капиталын үбүнэн ылбыттара.
This post was published on 10.03.2016 17:58 17:58