«Кини кыыһа» киинэ сүрүн геройа Света оскуолатын туйгун сыанаҕа үөрэнэн бүтэриэн баҕарар

0
2050

«Кэскил» оҕо бэчээтин кыһата «Ыалдьыт» диэн аан маҥнайгы рубрикатыгар «Кини кыыһа» диэн драматическай киинэҕэ сүрүн оруолу толорбут Света Портнягина ыалдьыттаата.


Света Портнягина Уус-Алдан улууһун Мүрү иккис нүөмэрдээх орто оскуолатын 9-кылааһын үөрэнээччитэ, номнуо дьоһуннаах киһи буола улааппыт.

Светаны хайдах киинэҕэ уһулларга ылбыттарын, иллэҥ кэмигэр тугунан дьарыктанарын, ону таһынан кини дьиэ кэргэнин туһунан ыйыталастыбыт. Кини киһи быһыытынан олус элэккэй, ис киирбэх, кэпсэтинньэҥ. Кыыс ийэтэ Портнягина Наталья Ивановна нэһилиэк библиотекара, онтон аҕата Портнягин Гаврил Николаевич суоппар. Бииргэ төрөөбүттэр төрдүөлэр. Света саамай улаханнара, бырааттаах уонна икки балтылаах. Барыларын наһаа күүскэ таптыырын биллэрэр.

— Оскуолаҕын бүтэрдэххинэ ханнык идэни баһылыаххын баҕараҕыный?

— Мин кыра сааспыттан үксүн наар уолаттары кытта ытыалаһыылаах, сэриилээх оонньуурбун олус сөбүлүүбүн. Ол иһин оскуолабын бүтэрэн баран, полиция үөрэҕэр туттарсан киирэр санаалаахпын.

— Онтон артыыс идэтинэн салгыы дьарыктаммаккын дуо?

— Татьяна Егоровналаах олус элбэххэ үөрэттилэр-такайдылар, бастаан утаа оруолга оонньуу иликпинэ артыыс буолуохпун баҕарар этим. Онтон холонон көрөн баран, хайдах эрэ ыарырҕаттым. Миэхэ буолбатах курдук.

— Саамай дууһаҕар иитиэхтээн илдьэ сылдьар ыра санааҥ?

— Мин тапталлаах оскуолабын кыһыл көмүс мэтээлинэн, кыһыл аттестатынан бүтэриэхпин баҕарабын. Уонна салгыы үрдүк үөрэх кыһатыгар киин куораттарга туттарсан киирэн, үчүгэй үлэлээх, ситиһиилээх киһи буолуом диэн бэйэбэр эрэлим улахан.

Салгыытын манна киирэн көрүҥ:

1
0

Хоруй суох

Хоруйдаа