Муус устар 5-11 күннэригэр Дьокуускайга Арассыыйа кик-боксиҥҥа чөмпүйэнээтэ ыытыллыа.
Турнирга 800 киһи (спортсменнар, тренердар, судьуйалар, бочуоттаах ыалдьыттар) кэлэллэрэ күүтүллэр.
Күрэхтэһии кик-боксер Александр Иванов аан дойду кик-боксиҥҥа чөмпүйүнээтигэр ССРС устуоруйатыгар бастакытын кыайбыта 30 сылыгар ананыа. Маны таһынан 30 сыллааҕыта дойдуга аан бастаан кик-боксинг федерацията тэриллибит.
Александр Иванов кэриэһигэр Саха сиригэр кик-боксинг сайдыытын туһунан кинигэ итиэннэ документальнай киинэ бэлэмнэнэ сылдьар.
