Батсаап — сураҕы-садьыгы, сонуну тарҕатар, суруйсар-кэпсэтэр туһалаах ситим эрэ буолбакка, киһи олоҕор ыарахаттары эмиэ үөскэтэр. Биир оннук дьыалаҕа Ленскэй куоракка суут уурааҕа таҕыста.
Суут быһаарбытынан, 29 саастаах сууттанааччы биир киһи тус олоҕун, ону ааһан, тус олоҕун кистэлэҥнэрин, ол киһиттэн көҥүлэ суох батсаабынан тарҕаппыт.
Ити дьайыыларын түмүгэр, ол гражданин РФ Конституциятын 23-с уонна 24-с ыстатыйларын 1 чаастарынан көрүллэр бырааптара кэһиллибит. Ол эбэтэр, тус олоҕун, дьиэ кэргэнин олоҕун туһунан сибидиэнньэлэри киниттэн көҥүлэ суох тарҕатан, чиэһин, үтүө аатын киртиппит.
Суут бу эдэр киһини РФ Холуобунай кодексатын 137-с ыст. 1 чааһынан буруйдааҕынан билинэн, 6 ыйга көннөрүнэр үлэҕэ, биир сыл тургутар болдьоххо уурбут. Ол үлэлээн ылбыт хамнаһыттан 10%-на тутуллар.
Бириигэбэр сокуоннай күүһүгэр киирэ илик, өрүттэр ааһыныахтарын сөп.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
