СӨ бырабыыталыстыбатын дьиэтигэр региоҥҥа Киһи быраабын көмүскүүр боломуочуйанай института тэриллибитэ 15 сылыгар анаан, “Киһи быраабын көмүскээһин: аныгы кэм ирдэбилэ” диэн научнай-практическай кэмпириэнсийэ кулун тутар 1 күнүгэр ыытылынна.
«Туох ситиһиилээхпитий? Инники өттүгэр биһигини туох күүтэрий?» — диэн уонна да атын боппуруостарга кэмпириэнсийэ кыттыылаахтара эппиэттээтилэр, дакылаат аахтылар. Тэрээһиҥҥэ Конституционнай суут, Үрдүкү суут, СӨ бырабыыталыстыбатын, М.К. Аммосов аатынан ХИФУ, уопсастыбаннай тэрээһиннэр уонна Ил Түмэн бэрэстэбиитэллэрэ кытыннылар.
Сүрүн дакылааты СӨ Киһи быраабыгар боломуочунай Сардаана Гурьева оҥордо, итиэннэ СӨ Конституционнай суутун бэрэссэдээтэлэ Александр Ким-Кимэн, Киин быыбар хамыыһыйатын бэрэссэдээтэлэ Алексей Ефимов, ХИФУ юридическай факультетын декана Петр Гоголев, Үрдүкү суут бэрэссэдээтэлин э.т. Александр Седалищев тыл эттилэр.
Саха Өрөспүүбүлүкэтигэр Киһи быраабын көмүскүүр боломуочунай института хайдах төрүттэммитин туһунан СӨ Киһи быраабыгар бастакы боломуочунай Федора Захарова кэпсээтэ.
