«Саха» национальнай көрдөрөр-иһитиннэрэр хампаанньа продюсерскай киинэ быйылгы сезоҥҥа үс саҥа мелодрама хайысхалаах киинэ сериалын бэлэмнээтэ.

«Маҥнайгы сериал бу дьыл сэтинньи ыйыгар хайыы үйэ күөх экраҥҥа тахсыаҕа. Сценариһынан суруналыыс, суруйааччы Сардаана Сивцева — Даана Сард, режиссерунан Елена Эверстова буоллулар. Айымньы көрөөччү киэҥ биһирэбилин ылан, көрдөрөр-иһитиннэрэр хампаанньа салалтата сериалы салгыыр туһунан быһаарыы ылбыта. Киинэ устуута Дьокуускай куоракка, Чурапчы улууһун Тулагы-Киллэм нэһилиэгэр уонна Бахсы сэлиэнньэтигэр ааста», — бу туһунан «Саха» НКИХ продюсерскай киинин салайааччыта Марфа Пермякова кэпсээтэ.

Ону таһынан,  Сардаана Сивцева-Дана Сард сценарийынан “Иза уонна Лиза” диэн иккис сериал уһуллуоҕа (режиссер Саймон Сергеев ). Хартыынаҕа икки эдэр кыыс тулалыыр дьону уонна аймахтарын кытары алтыһыыларын туһунан кэпсэнэр. Марина Платонова режиссердаах өссө биир «Күдээринэ күүрээн» диэн сериалы бэлэмнииллэр. Дьокуускайга уонна Хатаска билигин уста сылдьаллар.

«Сериал киинэтээҕэр ордук норуодунай буолар. Массовкаҕа элбэх киһи кыттар. Сайаапка олус элбэх. Ол кэннэ, дьэ, бары аймахтарын кытта көрөллөр», — диир продюсер Алена Антонова.

Телебородууксуйа 16 сиэрийэлээх, 38-тыы мүнүүтэлээх. «Саха» ханаалыгар бу күһүҥҥүттэн тахсыаҕа.

0
0
comments powered by HyperComments