«Медицина киинэ Дьокуускай к.» СӨ ГАТ куорат таһынааҕы салаатын сэбиэдиссэйэ Иван Луцкан СИА-ҕа эппитинэн, сүрүн сокуоҥҥа көннөрүүлэри киллэрии дойдуга олус суолталаах, онон бу дьаһалга инникини учуоттаан көрөн кыттыахха наада.
«Ким да туох да диэбитин иһин, куоластааһын буолуохтаах. Дьонтон ыйытыы хайаан да наада. Норуот куолаһа иһиллиэхтээх. «Сөп» эбэтэр «утарабын» диэн быыбар хайаан да оҥоһуллуохтаах», — агентствоҕа Иван Луцкан санаатын эттэ.
Кини буолаары турар куоластааһын аһаҕастык уонна чиэһинэйдик ааһарыгар итэҕэйэрин эттэ. Кэтээн көрөөччүлэр, камералар үлэлииллэригэр эрэллээҕин биллэрдэ.
Кини эппитинэн, билигин сүрүн болҕомто судаарыстыба баһылыгын талыы болдьоҕор ууруллар, ол оннугар социальнай былааннаах көннөрүүлэр бэлиэтэммэккэ хаалаллар. Хаачыстыбалаах медицина, дьиэ кэргэни өйөөһүн, үөрэҕи ылыыга мэктиэ курдук сүрүн суолталаах көннөрүүлэри дьон болҕомтотугар өссө ыла илик. Маны сэргэ көннөрүүлэргэ тыл уонна култуура чааһа көрүллэр. Бу эрдэ суоҕа.
Сиһилии https://ysia.ru/ivan-lutskan-golosovanie-po-konstitutsii-schitayu-vazhnym/
