Атырдьах ыйын 22-28 күннэригэр Саха Өрөспүүбүлүкэтигэр Оҕону эмтэрии бүтүн аан дойдутааҕы V нэдиэлэтэ ыытыллыаҕа.
«Оҕону ийэ эмтэриитэ – оҕо туруктаах сайдыытыгар күлүүс» девиһинэн барар нэдиэлэ чэрчитинэн атырдьах ыйын 26 күнүгэр Бырабыыталыстыба 2 №-дээх дьиэтигэр методическай семинар буолуоҕа.
Манна оҕо доруобуйатын научнай киинин, аһылык, биотехнологиялар уонна куттала суох аһылык институтун, Н.Пирогов аатынан медицинскэй университет сүрүннүүр исписэлиистэрэ кыттыахтара.
Култуура уонна сынньалаҥ пааркатыгар «Саха Өрөспүүбүлүкэтигэр оҕону эмиийинэн аһатыы бырааһынньыга» төрөппүттэр акциялара тэриллиэҕэ. Акция кыттыылаахтара исписэлиистэртэн интэриэһиргиир боппуруостарын ыйыталаһыахтара, «Оҕоҕо үтүө санаалаах балыыһа» аттестация түмүктэрин туһунан эксперт санаатын истиэхтэрэ.
Оҕону эмтэрии нэдиэлэтигэр анаммыт видеоҕа, хаартыскаҕа түһэриигэ, былакааттарга, хоһоон айыытыгар, ыстатыйаларга уонна уруһуйдарга анаммыт куонкурус кыайыылаахтарын наҕараадалыахтара. Куонкуруска үлэлэри атырдьах ыйын 26 күнүгэр диэри ыытыахха сөп.
СӨ Доруобуйа харыстабылын министиэристибэтэ ыытар Бүтүн аан дойдутааҕы нэдиэлэ сүрүн соругунан ийэ уонна оҕо доруобай буолалларыгар, уһун үйэлэниигэ оҕону эмиий үүтүнэн эмтэрии туһатын туһунан эдэр ийэлэргэ иһитиннэрии буолар.
