Саха сирин премьерын э.т Андрей Тарасенко Булуҥ улууһугар оробуочай командировкаҕа сырытта. 2025 сылга диэри Тиксии биир кэлим сайдыытын туһунан мунньаҕы ыытта. Кини эппитинэн, муора пуорда бүтүн өрөспүүбүлүкэни, ол иһигэр социальнай эбийиэктэринэн, хааччыйар кыахтаах. Сүрүн пресс-сулууспа иһитиннэрэр.


«Ил Дархан 2035 сылга диэри өрөспүүбүлүкэ Арктикатын эргимтэтин сайыннарыыга тосхолу бигэргэппитэ. Бу докумуон — Арктикаҕа олох олоруу хаачыстыбатын үрдэтиигэ олус суолталаах инструмент буолар. Дьон көһүүтүн тохтотуу, олохсуйан олорууга табыгастаах усулуобуйаны тэрийии уонна бизнеһи сайыннарыы«, — диэтэ мунньахха Андрей Тарасенко. 

Салайааччы эппитинэн, сүрүн соругунан үрэхтэргэ портопууннары сайыннарыы уонна порт-хаб тутуута буолаллар. Балар логистиканы кэҥэтиигэ, коммунальнай, транспортнай уонна энергетическай инфраструктураны саҥардыыга, аһы тиэйиигэ-таһыыга туһалаах буолуохтара.

«Муора пуордун бырайыагын олоххо киллэрдэхпитинэ, Тиксии хотугу муора суолунан бүтүн өрөспүүбүлүкэни хааччыйар кыахтаах уонна Арктика кытылын сайыннарыыга төрүт буолар. Экономикатын бөҕөргөтөн, социальнай эбийиэктэри — оскуолалары, дьыссааттары, балыыһалары, култуура уонна спорт киииннэрин тутуохпут. Дьон Арктикаҕа үлэлии эрэ буолбакка, олохсуйа кэлэригэр усулуобуйа тэриллиэхтээх», – диэтэ Андрей Тарасенко.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.