Медицина институтугар онкология кафедрата университет уонна республикатааҕы онкодиспансер бииргэ үлэлээһиннэрин түмүгэр тэрилиннэ.


Республикатааҕы онкология диспансера уонна М.К. Аммосов аатынан ХИФУ бииргэ үлэлиииргэ Сөбүлэҥ суруйсан, «Онкология» кафедратын арыйар туһунан быһаарыы ылыналлар. Онон быйыл историяҕа аан бастаан исписэлиистэри бэлэмниир сыаллаах онкология кафедрата арылынна.

Кафедраҕа устудьуоннары инновационнай-хайысхалыыр үөрэтии тэриллиэҕэ, практикаланыахтара, ХИФУ Медицина институтун уонна Онкодиспансер бары кыаҕын туһанан «онкология» исписэлиистэрин үөрэтэн таһаарыахтара. Кыттыгастаах научнай чинчийиилэр ыытыллан, барыта клиническай онкологияны эмтээһиҥҥэ туһуланыахтара.

Учуонай истиэпэннээх олохтоох онкологтар, Россия бастыҥ институттарыгар онкология салаатыгар үлэлиир медицина наукатын доктордара, профессордара ыҥырыллыахтара. Кафедра сэбиэссэйинэн медицина наукатын доктора, профессор, СӨ үтүөлээх бырааһа, үрдүкү оскуола бочуоттаах үлэһитэ, СӨ судаарыстыбаннай бириэмийэтин лауреата, онкосулууспа бэтэрээнэ Петр Иванов ананна.

Сигэн:

0
0

Хоруй суох