Орто Халымаҕа бу улуус сиригэр-уотугар халаан уутун аһарыыга бэлэмнэниигэ анаммыт Саха сирин ыксаллаах быһыыга уонна баһаартан куттал суох буолуутугар көһө сылдьар мунньах буолла.
Оройуон баһылыга Евгений Слепцов халаан эмиэ былырыыҥҥытын курдук ааһар чинчилээҕин эттэ. Кини бастакы вице-премьер Алексей Колодезников салайааччылаах бөлөххө махтанна.
Нэһилиэнньэ олоҕор куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Дмитрий Лепчиков манна халааҥҥа бэлэмнэнии ыытылла турарын эттэ.
Дмитрий Лепчиков өрөспүүбүлүкэ хотугулуу-илин өттүгэр киирэр Халыма оройуонугар халаан буолар куттала баарын бэлиэтээтэ. Өрөспүүбүлүкэҕэ 120 нэһилиэнньэлээх пуун ууга барыан сөп.
Уу ресурсаларын федеральнай агентствотын Өлүөнэтээҕи бассейнын ууга управлениетын салайааччы Иннокентий Андросов Халыма уонна Алаһыай дойдуга саамай кутталлаах уонна алдьатыылаах өрүстэр быһыытынан билиниллэллэрин эттэ.
Орто Халыма оройуонун баһылыгын солбуйааччы Любовь Левенкова оройуон үрдүнэн 645 киһини олордор 12 быстах пуун тэриллибитин туһунан иһитиннэрдэ. Ону тэҥэ сүөһүнү куоттаран таһаарыыга 11 былаһаакка тэриллибит.
СИА.
