Саха сирин бырабыыталыстыбатын саҥа бэрэссэдээтэлэ Евгений Чекин миниистирдэр кабинеттарын иннигэр турар соруктары билиһиннэрдэ.
«Иннибитигэр күүстээх үлэ күүтэр. Бырабыыталыстыба таһымыгар инники кирбиигэ тутуллар хайысхалары чопчулуохтаахпын уонна итилэри олоххо киллэриэхтээхпит», — диэн кини суруналыыстарга эттэ.
Бюджеты үөскэтиигэ уонна 2030 сылга диэри болдьохтоох социальнай-экономическай сайдыы стратегиятын оҥорууну кытта сүрүн түһүмэх ыкса ситимнээх.
«Стратегия суох кэмигэр үс сыл болдьохтоох бюджеты оҥоробут. Сүрүн хайысхалар эрдэ бэлиэтэммиттэрэ, онно улахан уларыйыылар киириэхтэрэ дии санаабаппын. Бырабыыталыстыба уонна сайыннарар институттар үлэлэрин көдьүүһэ үрдүөхтээх», — диир премьер.
Каадыры уларытыы тула кини маннык диир: «Бэбиэскэҕэ ити киириэҕэ. Ол эрээри сүрүн хамаанда номнуо баар.
Ким да өрөбөлүүссүйэ оҥорор санаата суох. Структура уонна сыһыан тустарынан этэр буоллахха, маны ырыатыахпыт», — диир кини.
Инникитин да бюджет социальнай хайысхалаах буолуоҕа. Судаарыстыба ороскуота көдьүүстээх буоларыгар сүрүн болҕомто ууруллар.
