Саха сирин баһылыга Егор Борисов Леонардо Ди Каприоны Саха сиригэр ыҥырбытын туһунан федеративнай сыһыаннаһыы миниистирэ Владимир Васильев СИА-ҕа эттэ.
«Егор Афанасьевич ыҥырыылаах официальнай суругу кини аатыгар ыытта. Ыалдьыт «Азия оҕолоро» спортивнай оонньууга, «Олоҥхо Ыһыаҕар», о.д.а. тэрээһиннэргэ бэйэтин баҕатынан талан кыттарыгар этии киллэрдэ», — диир миниистир.
Саха сирин көҕүлүүр бөлөҕө, Леонардо Ди Каприо талааныгар сүгүрүйээччилэр «Норуот Оскарын» 1,38 кг үрүҥ көмүстэн куппуттарын санатан ааһыахха сөп.