Саха сирин баһылыга Егор Борисов бүгүн, атырдьах ыйын 15күнүгэр Волгоград куоракка Россия президенэ Владимир Путин ыытар Госсэбиэт президиумун мунньаҕар кыттар.
Мунньахха навигация аныгы технологияларын туһанан борохуот сылдьыытыгар куттал суох буолуутун хааччыйыы уонна үрдэтии боппуруостарын ырыталлар.
Кремль пресс-сулууспата иһитиннэрбитинэн, «РФ-ҕа уунан ис суолу сайыннарыы туһунан» кэпсэтиигэ инфраструктураҕа баар хаарчахтааһыннары туоратыыны дьүүллэһиэхтэрэ. Ону таһынан борохуоттар сырыыларыгар куттал суох буолуутун мунньах кыттыылаахтара иҥэн-тоҥон ырытыахтара.
Кремльгэ этэллэринэн, борохуоту тутуу, круиз туризымын сайыннарыы тустарынан кэпсэтиэхтэрэ.
