Саха сирин баһылыга Егор Борисов ДьКХ эйгэтин реформалааһыҥҥа көмөлөһөр фонда салалтатын кытта көрсүһүү кэнниттэн суруналыыстарга эппитинэн, дьону эргэ дьиэлэртэн көһөрүүнү быһаарыыга кэм-кэрдии уонна 131 млрд.солк. наадатын туһунан эттэ.
«2017 сыл бүтүүтэ түмүктэнэр федеральнай бырагыраама салҕанан барыа дии саныыбын. Нэһилиэнньэ былаас уорганыгар баар кыһалҕаны биллэрэр, этэр. Ону быһаарарга кинилэр этиилэрэ табыгастаах уонна сөптөөх ньыма», — диэтэ Егор Борисов.
«Өрөспүүбүлүкэҕэ эргэ, саахалланар кутталлаах дьиэлэри суох оҥорууга элбэх бириэмэ наада. Олорор дьиэ уопсай кэриҥиттэн 15% эргэ дьиэ ылара. ДьКХ эйгэтин реформалааһыҥҥа көмөлөһөр фонда быһаччы кыттыытынан билигин ити көрдөрүү 2% тэҥнэстэ. Маныаха 131 млрд.солк. наада. Билигин 2012 сыл тохсунньу 1 күнүгэр учуокка ылыллыбыт дьону эргэ дьиэлэртэн көһөрүү үлэтэ быра турар», — диэтэ Ил Дархан.
ДьКХ эйгэтин реформалааһыҥҥа көмөлөһөр фонда генеральнай дириэктэрэ Константин Цицин бырагыраама билиҥҥитин курдук эбэтэр атын формалаах салҕанан барарыгар эрэнэрин эттэ.
