Саха сирин баһылыга Егор Борисов муус устар 11 күнүгэр 1080 №-дээх «Саха Өрөспүүбүлүкэтин тутулугар уларытыылары киллэрии туһунан» уураахха илии баттаата.
2016 сыл кулун тутар 14 күнүгэр ылыллыбыт сокуоҥҥа маннык судаарыстыбаннай дуоһунастар киирдилэр: «бырабыыталыстыба бэрэссэдээтэлин бастакы солбуйааччы — миниистир», «бырабыыталыстыба бэрэссэдээтэлин бастакы солбуйааччы — баһылык уонна бырабыыталыстыба дьаһалтатын солбуйааччы» уонна «бырабыыталыстыба бэрэссэдээтэлин солбуйааччы — миниистир».
Бүгүҥҥү күҥҥэ бырабыыталыстыба бэрэссэдээтэлин уонна кини солбуйааччыларын эбээһинэстэрин тыырсыы докумуона оҥоһулла сылдьар.
«Бу — дойду субъегын үрдүкү дуоһунастаах сирэйин көҕүлээһинэ былааннаммыт сокуону оҥорууга үлэтэ. Бу түмүгэр миниистир анал туруга уонна таһыма эрэ буолбакка, дуоһунастаах сирэй уопсастыба иннигэр эппиэтинэһэ улаатарыгар уонна көдьүүстээхтик үлэлииригэр уларыйыы сүрүн сыала-соруга туһаайыллар», — диэн СИА-ҕа регион дьаһалтатын судаарыстыбаннай уонна муниципальнай сулууспаҕа, каадыр политикатыгар департаменын салайааччыта Андрей Мартынов эттэ.
