«Азия оҕолоро» Оонньуу өрөгөйдөөх арыллыытыгар Саха сирин Аҕа баһылыга Егор Борисов норуоттар икки ардыларынааҕы күрэхтэһии сүрүн оруолун бэлиэтээтэ. Кини этэринэн, Оонньуу баай ис хоһоонноох историяланна.
«Спорт куруук көҕүлүүр күүс, онон Оонньуу кылгас кэм иһигэр континент үрдүнэн дьоһуннаахтык билиннэ. Спортивнай тэрээһин чэрчититтэн тахсан, дойдулар икки ардыларыгар култуураны атастаһыы былаһааккатыгар кубулуйда», — диэтэ Егор Борисов.
«Оонньуу баай ис хоһоонноох историялаах. «Азия оҕолоро» Оонньуу кыттыылаахтара Олимпиадаҕа уонна норуоттар икки ардыларынааҕы күрэхтэһиилэргэ ситиһиилээхтик кытталлар», — диэн эбэн эттэ Ил Дархан.
Саха сирэ, Егор Борисов этэринэн, тэрийээччи быһыытынан хас биирдии атын дойдуттан кэлбит кыттааччы уонна ыалдьыт иһин эппиэтинэһи сүгэр. «Өрөспүүбүлүкэ Оонньуу үрдүк таһымҥа барарыгар туох баар кыаҕын-күүһүн туһанна», — диэн кини бэлиэтээтэ.
«Кэлэр Оонньуу Монголияҕа ыытыллыа. Саха сирэ тэрийбит «Азия оҕолоро» Оонньуу элбэх судаарыстыбаны хабарынан киэн туттабыт, бу барыта эйэлээх олоххо туһуланар», — диэн эттэ Егор Борисов уонна барыларыгар махтанна.
