Эдьигээҥҥэ хаарбах дьиэттэн көһөрүү бырагырааматынан 49 кыбартыыралаах таас олорор дьиэ тутуута саҕаланна. Дьиэни эһиил 2021 сылга үлэҕэ киллэриэхтэрэ. Бу күннэргэ бастакы сыбаайаны түһэрии үөрүүлээх тэрээһинэ буолан ааста диэн, СИА ulus.media сайтыгар сигэнэн суруйар.


Саҥа дьиэҕэ эргэ түөрт хаарбах туруктаах дьиэ олохтоохторо киириэхтэрэ. Эдьигээн нэһилиэгин баһылыга Василий Сорокин“2013 сылтан бырагыраама чэрчитинэн 11 элбэх кыбартыралаах дьиэ тутулунна, олор бары мас тутуулар этэ. Бу бастакы түөрт этээстээх, 49 кыбартыыралаах таас дьиэ буолар. 2025 сылга диэри бу бырагырааманан барыта 15 дьиэни тутан киллэриэхтээхпит. Ону таһынан 2025-2029 сылларга өссө 15 дьиэни саҥардарга докумуон бэлэмнээтибит”.

Тутуу бэдэрээтчитинэн “Альянс-2005” ХЭТ үлэлиир. Тэрилтэ Эдьигээҥҥэ балыыһа комплексын, оҕо саадын, аэровокзалы туппут уопуттаах. Тэрилтэ дириэктэрэ Рашид Аушев дьиэни 2021 сыл күһүнүгэр киллэрэр санаалаах.

Билигин дьиэ нулевой циклын тутар матырыйаал барыта кэлэн сытар, тутууга 12 киһи үлэлии сылдьар. Наадалаах тиэхиньикэ баар. Дьиэ холлоҕоһун сыл бүтүөр диэри бүтэриэхтэрэ. Олохтох нэһилиэнньэ өрүү көмөлөһөргө бэлэм.    

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.