Москватааҕы киинэ оскуолатын устудьуона, режиссер Анастасия Борисова «Сулус» диэн дипломнай киинэтэ Москваҕа ыытыллыбыт Shnit Shortfilmfestival норуоттар ардыларынааҕы фестиваль национальнай бырагырааматыгар «Бастыҥ режиссура» номинациятын ылла.


18 мүнүүтэлээх эригэр оҕотун былдьаппыт эдэр ийэ кыһалҕатын туһунан кэпсэнэр киинэҕэ саха артыыстара Ирина НикифороваПавел Ченянов, Софья Баранова оонньууллар.

Анастасия дипломнай үлэтин бэйэтэ сценарийдаан, режиссердаан, продюсердаан оҥорбут. «Москваҕа ыытыллар фестиваль киинэ эйгэтигэр күүстээх бырагыраамалааҕынан биллэр, онон онно бэлиэтэммиппиттэн олуһун үөрдүм», — диир кини.

Фестиваль Москваҕа «Иллюзион», «Москино» киинэ тыйаатырдарыгар, «Гараж» аныгы искусство мусуойугар ыытыллыбыт.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.