Дьокуускайдааҕы коммунальнай тутуу техникумугар «Доруобуйа күнэ» үрдүк тэрээһиннээхтик ыытыллыбытын туһунан тэрийээччи-педагог Иустинья Турнина иһитиннэрдэ.
Тэрээһиҥҥэ КВД уонна СПИД-киин балыыһатыттан быраастар кыттыыны ылбыттар. Бу күн техникум үлэһиттэрэ уонна устудьуоннар хаан анаалыһа туттарбыттар, тирии бырааһыгар көрдөрбүттэр. Маҥан халааттаах аанньаллар ыччакка араас сыстыганнаах ыарыылар, СПИД иэдээнин туһунан лекция аахпыттар, ыйытыыларга хоруйдаабыттар.
Техникум ыччата маннык көрсүһүүлэр кэмиттэн-кэмигэр ыытыллаллара туһалааҕын, өйдөтүү үлэтэ киһилии сиэрдээх-майгылаах буоларга сирдиирин, доруобуйа бэйэттэн эмиэ тутулуктааҕын бэлиэтээбиттэр.
