Бүгүн Дьокуускайга Азиатскай-Тихоокеанскай конференцияҕа (APCYS– 2019) кытта эдэр чинчийээччилэр кэллилэр. Кытайтан, АХШ-тан, Индияттан, Индонезияттан, Малайзияттан, Непалаттан, Словенияттан, Тайлантан, Сингапуртан уонна Россияттан оҕолор муһуннулар, диэн үөрэх министиэристибэтин пресс-сулууспата иһитиннэрэр.


APCYS– 2019 Дьокуускайга алтынньы 14 — 20 күннэригэр ыытыллар. 11 дойдуттан эдэр чинчийээччилэр кытталлар. Саха сирэ бу тэрээһини аан бастаан ыытар.

Сылын аайы ыытыллар дьаһал тихоокеанскай регион дойдуларыгар биллэр, Intel International Science and Engineering Fair (Intel ISEF) стандартынан ыытыллар. Сессиялар, лекциялар, секцияларынан мунньахтар, Дьокуускай куорат оскуолаларыгар сырыылар, педагогтарга конференция–семинардар, Саха сирин кэрэ миэстэлэринэн экскурсиялар тэриллиэхтэрэ.

APCYS кытта тэҥҥэ II норуоттар икки ардыларынааҕы эдэр чинчийээччилэр конференция-куонкурустара (YakutskInternationalScienceFair – 2019) буолуоҕа.

1
0
comments powered by HyperComments