Өрөспүүбүлүкэ киин куоратыгар, Дьокуускайга, 2018 сылтан түөрт концертыыр саалалаах, 2100 миэстэлээх муусука тыйаатырын тутуу үлэтэ саҕаланыа. Бу туһунан СӨ култуура уонна духуобунай сайдыы миниистирэ Владимир Тихонов суруналыыстарга сыллааҕы үлэ отчуотугар иһитиннэрдэ.
Санатар буоллахха, 2016 сыллаахха ахсынньы 24 күнүгэр Ил Дархан Егор Борисов искусство диэйэтэллэрин кытта көрсүһүүтүгэр кэнсиэртиир улахан саалалаах саҥа тыйаатыры тутар наадатын туһунан эппитэ.
Владимир Тихонов бу баараҕай тутуу буолуохтааҕын бэлиэтиир: «Икки бэлэмнэнэр саалалаах, конгресс-холлаах уонна быыстапкалыыр былаһааккалардаах барыйааны көрө сылдьабыт. Бырайыак-смета докумуонун быйыл бэлэмнээн, эһиилгиттэн тутуу үлэтэ саҕаланарын курдук ылсыахтаахпыт».
Миниистир эппитинэн, култуура саҥа тэрилтэтэ уопсайа 15 тыһыынча кв. миэтэрэ иэннээх буолуохтаах.
«Манна Опера уонна балет судаарыстыбаннай тыйаатыра көһүө. Атыттары холбуур туһунан толкуйдуу иликпит», — диэтэ.
