2021 сылга Ленин проспегар Хабаров уулуссатыттан Краснояров уулуссатыгар диэри учаастакка хапытаалынай өрөмүөн ыытыахтара. Ол туһунан куорат мэрин бастыкы солбуйааччыта Евгений Григорьев эттэ.
Евгений Григорьев эппитинэн, бу Саха АССР 100 сылыгар анаммыт саамай улахан уонна суолталаах бырайыак буолар. ««Росстройпроект» тэрилтэнэн бырайыактыыр-сметалыыр докумуон оҥоһуллар, чинчийии ыытыллыбыта. Экспертизатын ааспыт бырайыак саас бэлэм буолуохтаах. Билигин бырайыагы оҥорооччулары, ресурсанан хааччыйар тэрилтэлэри, урбанистика бэрэстэбиитэллэрин, архитектордары кытта үлэ барар. Барыта саҥа ирдэбиллэргэ эппиэттиэхтээх», — диэтэ кини.
Маны сэргэ, хапытаалынай өрөмүөҥҥэ уокуруктааҕы шоссе киирэр: Жорницкай уулуссаттан Бүлүүлүүр тракка диэри, 50 лет Советской Армии уулуссаттан Очиченкоҕа диэри учаастакка Бабушкина уулусса, Пирогов уулуссата Петр Алексеев уулуссатыттан Жорницкайга диэри, Ильменская уулусса Чайковскайтан Билибинаҕа диэри учаастага.
Жуковскай, Гагаринскай уокурукка Авиаторов уулусса, Мархаҕа Советская уонна Олег Кошевой уулуссалара, Тулагиноҕа Николаев уулуссата.
Ильменскайтан Чайковскайга диэри учаастакка Винокуров уулуссатыгар суол ситимин реконструкциялыахтара, Кангаласскайга Нагорная уулуссаны оҥоруохтара.
Киирии суолларын Хатаска, Тулагиноҕа уонна Табаҕаҕа элбэх оҕолоох ыаллар олорор кыбаарталларыгар тутуохтара.
