Орто Халыма улууһун Березовка бөһүөлэгин 30 ыалыгар саҥа кыбартыыралар күлүүстэрин туттарбыттарын туһунан «Якутия 24» телеханаал иһитиннэрэр. 


Березовка ыалларыгар иккилии кыбартыыралаах 15 дьиэ күлүүһүн туттардылар.

ОДьКХ уонна энергетика миниистирэ Дмитрий Садовников салайааччылаах бырабыыталыстыба бөлөҕө Орто Халыма улууһугар сырытта. Хамыыһыйа тутулла турар эбийиэктэри көрдө, олохтоохтору кытта көрүстэ.

Березовка бөһүөлэгэр эбээннэр түөлбэлээн олороллор. Күн бүгүн манна 400 кэриҥэ киһи баар. Бөһүөлэк 2002 сылтан саҕалаан куруук ууга барар. Онон, өрөспүүбүлүкэ бырабыыталыстыбата Березовканы көһөрүү былаанын ылыммыта.

Кэлэр сылга бу бөһүөлэккэ саҥа дьиэлэргэ уонна инфраструктура эбийиэктэригэр тиийэр 1,5 км суол оҥоһуллара былааннанар. Манна анаан 41 мөл. солк. көрүллүөҕэ.

0
0
comments powered by HyperComments