Лэбийэ эбэҕэ Дьокуускай куорат 12 №-х оскуолатын 6 «б» кылааһын үөрэнээччилэрэ куйуурдаатылар.
Бу күннэргэ Саха Өрөспүүбүлүкэтин үтүөлээх учуутала Александр Чиряев көҕүлээһининэн, оскуола үөрэнээччилэрэ уонна төрөппүттэрэ Мэҥэ Хаҥалас улууһун Баатара нэһилиэгэр «Саха төрүт үгэһэ – куйуур» диэн экспедицияҕа баран кэллилэр.
Тэрээһин чэрчитинэн норуокка биһирэнэр мелодист Анастасия Варламова «Аҕам алааһа» ырыатыгар хоһуйуллубут Лэбийэ эбэҕэ көхтөөх куйуур буолла. Ити саха төрүт дьарыгын оҕолорго нэһилиэк кырдьаҕас олохтоохторо Егор Колесов, Петр Варламов, Николай Ходулов, Александр Борисов сүбэлээн, быһааран көрдөрдүлэр.
Кэлбит дьон үлүһүйэн, куйуур күрэхтэһиигэ кубулуйда.
