Үөрэнээччилэр, устудьуоннар, маҕыыстырдар чинчийиилэрин түмүгүн билиһиннэрэр өрөспүбүүлүкэтээҕи кэмпириэнсийэҕэ Бүлүүтээҕи педагогика коллеһын устудьуоннара ситиһиилээхтик кытыннылар.
«Истилиистикэ уонна тыл-өс култуурата, билим сахалыы тиэрминнэрэ” сиэксийэҕэ 271 бөлөх устудьуона Владислав Васильев ситиһиилээхтик кыттан 3 миэстэни ылла.
“Үөрэх эйгэтигэр ийэ тылынан үөрэтии уонна уйулҕа кыһалҕалара уонна кэскилэ” сиэксийэҕэ 171 бөлөх устудьуона Василий Николаев сертификат ылла. Бу сиэксийэҕэ 111 бөлөхтөн Сайыына Васильева кыттан “Кэскиллээх чинчийээччи” номинацияҕа тигистэ.
Колледж преподавателлэрэ үөрэнээччилэрин ситиһиилэринэн киэн тутталлар. «Биһиэхэ өрөспүүбүлүкэ улуустарыттан саха тылын сүмэтин баһылыан, оҕо төрөөбүт тылынан иҥнигэһэ суох саҥарарыгар үөрэтэр учуутал буолан тахсыан баҕалаах оҕолор кэлэллэр. Онон хас биирдии ситиһиилэрэ — бу тылбыт ситиһиитэ», — диэн бэлиэтииллэр.
