19 Кулун тутар 19.03
  • -17°
  • $ 91,98
  • 100,24

Бүлүү суолу өрөмүөннээһин: Кылаабынайа – хаачыстыба

16:14, 13 августа 2016
Текст:
Читайте нас на
Яндекс Новости
ЯДВ

«Бүлүү» федеральнай суолга Күндээдэ сэлиэнньэтиттэн саҕалаан Сунтаар Устьетыгар диэри эбэтэр Владислав Крыжановскай дириэктэрдээх «Айан-Суол» ХЭУо көрөр учаастага биир үчүгэй туруктаахтара диэтэххэ омун буолбат.


Быйыл бу суолга уопсайа 69 км уһуннаах суол өрөмүөннэнэрэ биллэр.

Онтон 19 км биһиги улууспут сиригэр Элгээйиттэн Устье өттүгэр быстах-быстах барыта 19 км уһуннаах суолга өрөмүөн үлэлэрэ ыытылла сылдьаллар. Бу туһунан сиһилии «Айан- Суол» ХЭУо дириэктэрин солбуйааччы Михаил Евсеевтэн чуолкайдастым.

Михаил Иванович кэпсииринэн, бу эрдэттэн былааннаммыт өрөмүөн үлэлэрин болдьоҕо 2016 сыл олунньу 2 күнүттэн алтынньы 30 күнүгэр диэри эбит. Сакаасчыт «Бүлүү» Упрдор ФКУ, бэдэрээтчик «Айан-Суол» ХЭУо, үлэни ыытыыга эппиэт-тээҕинэн учаастак начаалынньыга Борис Иванов анаммыт.

Билиҥҥи туругунан өрөмүөн улахан үлэтэ сүрүннээн бүппүт. «Айаннар» кыра сиппэтэҕи ситэрэн, суол бэлиэлэрин туруортаан үлэни балаҕан ыйыгар анал хамыыһыйаҕа туттараары бэлэм-нэнэллэр эбит. Суолу омос көрүүгэ, сорох сиринэн синньигэс курдук көстөр. Ону уопуттаах суол үлэһитэ Михаил Евсеев: «Оннук буолбатах, барыта стандарка эппиэттиир, IV   категориялаах суол кэтитэ 10 м буолар, суол өрөмүөннэнэн үрдээ-битин суотугар синньигэс курдук көстүөн сөп», – диэн быһаарар. Онно мөккүһэр кыах суох.

Салгыы кэпсэтиибитигэр, Михаил Иванович быйылгы былааҥҥа өссө Ботомоойу муостатыгар быстах өрөмүөн, Сиэйэҕэ, Элгээйигэ ис суоллары оҥоруу баалларын, Күүкэй, Күндэйэ суоллара бүтэриллибиттэрин этэр.

Тиэхиньикэ өттүн ыллахха, билигин ханна баҕарар, ханнык баҕарар суолу оҥорорго, өрөмүөннүүргэ сөптөөх тиэхиньикэлээхпит, быйыл 2 саҥа немецкэй «MAN» самосвал массыынаны ыллыбыт диир. Үлэһит илии толору баар, быйыл 3 эдэр механизатор уолаттар үлэҕэ киирбиттэр. Хамнас, үп-харчы өттүнэн кимиэхэ да үҥсэргиир кыахпыт суох диэн кэпсээнин түмүктүүр «Айан-Суол» тэрилтэ төрүттээччитэ В.М. Крыжановскай иитэн, үөрэтэн таһаарбыт биир туруу үлэһитэ, оройуон Сэбиэтин дьокутаата М.И. Евсеев.

Оттон биһиги, кылаабынайа, суолбут хаачыстыбата үчүгэй эрэ буоллун диибит.

Следите за самым важным и интересным в Telegram-канале и WhatsApp-группе ЯСИА