Жатай баһылыга Анатолий Кистенев норуоттар икки ардыларынааҕы «Азия оҕолоро» VI –с спортивнай Оонньуу уотун Дьокуускай куорат мээрин солбуйааччытыгар Евдокия Евсиковаҕа уонна Кангалас микрооройуон дьаһалтатаны салайааччытыгар Максим Сыромятниковка туттарда.
Оонньуу саҕалыныа 100 хонук иннинэ, кулун тутар 29 күнүгэр Киһилээх хайатыгар Оонньуу уота аан бастаан умайбыта.
«Сүүс күн устатыгар уоту туппут 1745 киһи бары улууһу хабан, 6627 км бардылар. Оонньуу уота 183 нэһилиэнньэлээх пууну ааста. Бүгүн, сарсын уот Дьокуускай таһынааҕы бөһүөлэктэринэн сылдьыаҕа», — диэн СИА-ҕа Евдокия Евсикова эттэ.
Дьокуускайга уоту аҕалбыт мини-футболга регион чөмпүйүөнүн Егор Малошенконы сиэринэн-туомунан көрүстүлэр. Кини уоту Жатай баһылыгар Анатолий Кистеневка туттарда.
