Бүгүн саха бэлиитигэ, Федерация Сэбиэтин чилиэнэ, аҕыс сыл Саха Өрөспүүбүлүкэтин бэрэсидьиэнинэн, кэлин Ил Дарханынан үлэлээбит Егор Афанасьевич Борисов төрөөбүт күнэ. Егор Борисов бүгүн 66 сааһын туолар. Оттон бэйиэт уонна ырыаһыт, «Кино» рок-бөлөх салайааччыта Виктор Цой 30 сыллааҕыта бу күн, баара-суоҕа 28 сааһыгар, массыына саахалыгар түбэһэн, күн сириттэн күрэммитэ. Бу уонна да атын күн бэлиэ түбэлтэлэрин Бикипиэдьийэ кэпсиир.
Атырдьах ыйын 15 диэн Грегориан халандаарыгар сыл 227-с күнэ (ордук хонуктаах сылга 228-c күнэ). Сыл бүтүө 138 күн баар. Бу күн Арассыыйаҕа, Казахстаҥҥа, Белоруссияҕа, Украинаҕа археолог күнүн бэлиэтииллэр. Үгэс быһыытынан бу күн эдэр археологтары идэҕэ сүрэхтииллэр.
Бэлиэ күннэр:
- Эгиипэт — Нил өрүс халаанныыр күнэ (ааҥл. Flooding of the Nile).
- Индия — Тутулуга суох буолуу күнэ.
- Кытай — Аччык иччилэр бэстибээллэрэ.
- Канада, Саҥа Шотландия — Акадия ааҥл. National Acadian Day.
- Конго Өрөспүүбүлүкэтэ — Тутулуга суох буолуу күнэ.
- Панаама — Панама-Вьехо күнэ.
- Польша — Сэбилэниилээх күүстэр күннэрэ.
- Хотугу Кэриэйэ, Соҕуруу Кэриэйэ — Босхолонуу күнэ.
Түбэлтэлэр:
- 1281 — Дьоппуоҥҥа байҕалынан устан тиийбит монгол сэриитин иккис төгүлүн тайфун ыспыт. Бу тайфуну камикадзе диэн ааттаабыттар, ол аата — «айыы тыал».
- 1835 — Эргийэр барабаннаах таҥас сууйар массыынаҕа патент ылыллыбыт.
- 1908 — Пруссияҕа дьахталлар үрдүк үөрэххэ киирэллэрэ көҥүллэммит.
- 1914 — Бастакы аал Панаама ханаалынан ааспыт.
- 1918 — АХШ уонна Сэбиэскэй Арассыыйа дипломаттыы сыһыаннары тохтоппуттар. Ол күн уонна сарсыныгар АХШ сэриилэрэ Владивостокка түспүттэр, Антанта дойдуларын интервенциялара саҕаламмыт.
- 1920 — Польша Варшаватааҕы кыргыһыыга кыайбыт (Сэбиэскэй Арассыыйа уонна Польша 1919—1921 сс. сэриитэ).
- 1921 — Женеваҕа Фритьоф Нансен салалтатынан Арассыыйа хоргуйааччыларыгар көмөнү тэрийэр кэмпириэнсийэ саҕаламмыт.
- 1946 — ССКП Киин кэмитиэтин пленумугар А. Жданов «Арҕаа дойдуларга сүгүрүйүүнү» утары охсуһууну саҕалаабыт.
- 1947 — Ииндийэ уонна Пакистан тутулуга суох буолбуттар. 190 сыл устата Улуу Британия баһылаабыт Ииндийэтин дьон итэҕэлинэн көрөн икки судаарыстыбаҕа араарбыттара. Арахсыы кэнниттэн саҥа судаарыстыбалар икки ардыларыгар улахан миграциялар саҕаламмыттара.
- 2012 — Саха литэрэтиирэтин төрүттээччилэртэн биирдэстэрэ Алампа көмүс уҥуоҕа, Таатта улууһун олохтоохторун уонна бэйэтин аймахтарын көрдөһүүлэринэн, Ытык-Күөлгэ Хадаайы диэн сиргэ («Таатта» уус-уран литэрэтиирэ түмэлин аттыгар) иккистээн көмүллүбүтэ.
Төрөөбүттэр:
- 1891 — Анатолий Пепеляев, XX үйэ саҕаланыытыгар Саха Сиригэр гражданскай сэрии кыттыылааҕа, үрүҥнэр генерааллара.
- 1917 — Семен Пестерев (1917—1983), худуоһунньук, муосчут.
- 1929 — Владимир Павлов (12.08.1999 өлб.) — Дьокуускай горисполкомун салайааччыта буола сылдьыбыт, 1980-90 сылларга «Сахамебель» Холбоһук салайааччыта.
- 1931 — Микаэл Таривердиев — сэбиэскэй уонна российскай композитор РСФСР норуот артииһа (1986).
- 1949 — Юрий Буслаев, тутуу үлэһитэ.
- 1954 — Егор Борисов — биллэр саха бэлиитигэ, 2003—2010 СӨ бырабыыталыстыбатын баһылыга, 2010 с. от ыйын 17 күнүттэн Саха Өрөспүүбүлүкэтин бэрэсидьиэнэ (Ил Дархана).
Өлбүттэр:
- 1980 — Семен Никифоров (27.08.1923 төр.) — саха суруйааччыта, Аҕа дойду сэриитин кыттыылааҕа.
- 1990 — Виктор Цой (1962 төр.), бэйиэт уонна ырыаһыт, «Кино» рок-бөлөх салайааччыта.
