Аммаҕа киирии суолга икки өртүнэн сэрииттэн эргиллэн кэлбит уонна кыргыһыы толоонугар хаалбыт буойуттарга анаммыт Бэлиэ сир үс сыллааҕыта оҥоһуллубута. «Кыайыы ойууругар» буойуттар ахсааннарынан мас олордуллубута.


Амма нэһилиэгин дьаһалтата, төһө да анаан-минээн харчы көрөн, сайын устата уу куттар, сорох мас силистэрин тардыбакка хаппыттара. Олору саҥардыыга балаҕан ыйын 26 күнүттэн субуотунньуктар саҕаланнылар. Кыайыы 70 сылын көрсө, сынньалаҥҥа олорор подполковник Иван Иосифович Мохначевскай үлэни көҕүлүүр.

Быйыл 150 сааһын туолар Амма 1 №-дээх оскуолатын коллектива субуотунньукка эмиэ көхтөөхтүк кыттар. Үөрэх кыһатыттан 15 эр киһи тахсан, көхтөөх үлэни көрдөрүлэр.

Субуотунньуктар салҕанан бараллар.

Ааптар: Наталья Бубякина.

0
0
comments powered by HyperComments