Арассыыйа Биэнсийэҕэ фондата иһитиннэрэринэн, социальнай өҥөлөр нобуордарынан туһанар федеральнай чэпчэтиинэн туһанааччылар алтынньы 1 күнүгэр диэри харчынан эбэтэр бэйэтинэн (натуральнай) ылары талар кыахтаныахтара. Маны талар туһугар Арассыыйа Биэнсийэҕэ фондатын сирдээҕи-уоттааҕы уорганыгар регистрацияламмыт эбэтэр олорор сиргитигэр суругунан сайабылыанньа биэрэҕит.
Социальнай өҥөлөр нобуордара ый аайы харчынан ылааччыларга (ЕДВ) бэриллэр. Бу нобуорга мэдиссиинэ, санаторий-куруорт уонна тырааныспарынан туһаныы киирэллэр. Сайабылыанньа түһэрбэтэх дьоҥҥо бу нобуор бэйэтинэн (натуральнайынан) бэриллэр (радиацияттан эмсэҕэлээбит дьонтон уратыларга).
Нобуору барытын эбэтэр сорох чааһын уу харчынан ылыаххытын баҕардаххытына, Арассыыйа Биэнсийэҕэ фондатыгар алтынньы 1 күнүгэр диэри сайабылыанньа түһэриэхтээххит. Маны фонда саайтыгар тус кэбиниэккитигэр, клиеннэри кытта үлэлиир сулууспаҕа эбэтэр элбэх өҥөнү оҥорор кииҥҥэ биэриэххитин сөп. Өскөтүн урут социальнай өҥөлөрү натуральнай көрүҥүнэн ылартан аккаастанабыт диэн сайабылыанньа түһэрбит буоллаххытына, саҥа сайабылыанньа ирдэммэт – киһи бэйэтин санаатын уларытыар диэри нобуору харчынан ылыаҕа.
