АЛРОСА соҕуруулуу-илиҥҥи Азия клиеннарыгар алмаас сырьетун быһа атыылыыры улаатыннарар туһунан кэпсэтии ыытар диэн Уһук Илиҥҥи федеральнай уокурукка Президет боломуочуйалаах бэрэстэбиитэлэ Юрий Трутнев суруналыыстарга иһитиннэрдэ. Кини этэринэн, бу соторутааҕыта Гонкоҥҥа АЛРОСА президенэ Андрей Жарков ити боппуруоһунан кэпсэтии ыыппыт.
«Кини онно кытайдар Европанан эргиппэккэ АЛРОСАҕа быһа үлэлиир сыһыаҥҥа тахсыахтарын сөбүн эппит диэн» «Финмаркет» суруйбутун вице-премьер тириэрдэр.
АЛРОСА билигин Кытайга бэйэтин бородууксуйатын 5% атыылыыр. Кытайга Chow Tai Fook бөдөҥ ювелирнай ритейлер уонна Luk Fook үлэлэһэллэр.
«Биһиги алмааһы Саха сиригэр хостуубут, Антверпен нөҥүө атыылыыбыт, онтон соҕуруулуу-илиҥҥи Азияҕа барар. Бу маннык дьикти дьайыыны оҥоробут. Ардыгар маннык аттарыллыбыт уһун суол төһө сөптөөҕөр уонна дьэҥкэтигэр саарбаҕалааһын үөскүөн сөп. Буолаары буолан, сыанатын бородууксуйаны тиксэрээччи быһар буоллаҕына. Ол иһин билигин биһиги электроннай былаһаакка оҥоруутугар үлэлээн эрэбит. Оччотугар быһа атыылааһын сыанатын индикатора аһаҕастык көстүө», — диэтэ Трутнев.
