Саха сирин бары олохтоохторун судаарыстыбаннай бырааһынньыгынан – Саха Өрөспүүбүлүкэтин күнүнэн истиҥник эҕэрдэлиибин!
Бу бырааһынньык – Саха сирин историятыгар эргиллэргэ, норуот чаҕылхай бэрэстэбиитэллэрин, өрөспүүбүлүкэ атаҕар турутуугар уонна сайдыытыгар кылааттарын киллэрбит дьону барыларын өйдөөн-санаан ааһарга өссө биир түгэнинэн буолар. Кинилэр ахсааннарыгар, биллэн турар, тыһыынчанан алмаас үлэһиттэрин киллэриэххэ сөп, кинилэр хас эмэ уонунан сылларга Саха сиригэр олохтоох бырамыысыланнас саҥа салаатын тэрийбиттэрэ.
Билиҥҥи кэмҥэ АЛРОСА Саха сирин экэниэмикэтин флагманынан эрэ буолбакка, алмааһы хостооһун лидеринэн буолар. Хампаанньа улаатар уонна өрөспүүбүлүкэни кытта тэҥҥэ сайдар, сыл ахсын бүддьүөккэ нолуок төлөбүрүгэр уонна дивиденнэргэ уонунан миллиард солкуобайы киллэрэр, регион сиригэр-уотугар олоххо киирэр социальнай уонна аһымал бырайыактары үбүлүүр.
Саха сирин историятын, билиҥҥитин уонна кэлэр кэскилин кытта быстыспат сибээс олохтонуута биһиги хампаанньабытыгар ураты эппиэтинэһи сүктэрэр.
Өрөспүүбүлүкэ элбэх омуктаах норуотун кытта биһиги күүстээх уонна чэчирии сайдар Саха сирин тутуохпут диэн эрэнэбин.
Эһиэхэ уонна Саха Өрөспүүбүлүкэтин бары гражданнарыгар үтүөнү, нус-хас олоҕу, эйэлээх халлааны баҕарабын. Биһиги хотугу кыраайбыт сыл ахсын кэрэ, баай, дьоллоох буола турдун.
Сергей Иванов, “АЛРОСА” АК генеральнай дириэктэрэ.
