Арктикаҕа сытар Аллайыаха тыйыс кыһыҥҥа бэлэм буолла. Билигин Чокуурдаах бөһүөлэгин бириистэнигэр “Лена-Нефть” суудуна турар. Сэттэ тыһыынча ньиэби тиэрдэр былаан туолуоҕа.

Балаҕан ыйын саҥатыгар “Якутоптторг” Чокуурдаахха баар баазатыгар 23 тоннаттан тахса аһы тиэммит контейнердара тиийбиттэрэ.

“СӨ ОДьКХ” ГУП Аллайыаха улууһунааҕы филиалын оттук ресурсаларын сэбиэдиссэйэ Надежда Барсукова иһитиннэрбитинэн, улуус хочуолунайдарыгар 2 тоннаттан ордук оттугу ылыахтара.

“Михаил Мальчиков” теплоход-рефрижератортан таһаҕаһы сүөкүү сылдьаллар. Балар истэригэр кэтэһиилээх 35 т хортуоппуй, 15 т хаппыыста, 5 т сүбүөкүлэ тиийбит. Итини субсидияламмыт сыананан атыылыахтара, диэн Улус.ру иһитиннэрэр.

0
0
comments powered by HyperComments