СӨ тыа хаһаайыстыбатын министиэристибэтэ тэрийэн ыыппыт «Агростартап» куонкурус бастакы кыайыылахтара билиннилэр. Кинилэр истэригэр Хаҥалас улууһун Ой нэһилиэгин олохтооҕо Алина Заморщикова баар. Бу туһунан улуус дьаһалтатын пресс-сулууспатыгар сигэнэн, СИА иһитиннэрэр.


«Ой нэһилиэгин олохтооҕо Алина Заморщикова бырайыага «Агростартап» күрэҕэр кыайан 3 млн солкуобайдаах грант ылыа», – диэн Хаҥалас улууһун баһылыгын солбуйааччы Олег Иринеев эттэ.

Бастакы кыайыылахтар истэригэр 18 бырайыак баар. Күрэххэ барыта 157 сайаапка киирбитэ. Мантан түмүктүүр түһүмэххэ 22 улуустан 94 кыттааччыны талбыттара.

Грант үбүн сүөһү атыылаһыытыгар, тыа хаһаайыстыбатыгар наадалаах техниканы, сири ылыыга, производственнай эбийиэктэргэ уот-күөс киллэриитигэр туттуохха сөп.

Эрдэ бу туһунан манна суруйан турабыт http://sakha.ysia.ru/agrostartap-byragyraama-a-dokumuonu-homujuu-sa-alanna/

http://sakha.ysia.ru/agrostartap-kuonkuruska-churapchy-uluu-uttan-a-ys-byrajyak-kiirde/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.