Саха сиригэр олохтоох бэйэни салайыныы департамена сөргүтүллүөҕэ. Бу туһунан бүгүн Ил Дархан эбээһинэһин толорор Айсен Николаев бырабыыталыстыбаҕа буолбут мунньахха иһитиннэрдэ. Айсен Сергеевич департамент тэриллиитин туһунан ыйаахха бу нэдиэлэ бүтүөр диэри илии баттыаҕа.
«Бу департамент сүрүн сыалынан муниципальнай тэриллиилэр интэриэстэрин көмүскээһин, олохтоох бэйэни салайыныы уорганнарын бөҕөргөтүү уонна судаарыстыбаннай былаас уорганнарын кытта бииргэ үлэлээһин буолуоҕа», — диэн Айсен Николаев бэлиэтиир. Олохтоох бэйэни салайыныы департаменын Афанасий Владимиров салайыаҕа.
Афанасий Владимиров бу иннинэ Хаҥалас улууһун баһылыгынан, СӨ Ыччат дьыалаларын уонна дьиэ кэргэн бэлиитикэтин миниистиринэн, Ил Дархан уонна бырабыыталыстыба дьаһалтатын ис бэлиитикэтин департаменын салайааччынан үлэлээбитэ.
Манна даҕатан суруйдахха, бэс ыйын 20 күнүгэр Дьокуускайга олохтоох бэйэни салайыныы института тэриллибитэ 15 сылыгар анаан Сэбиэт мунньаҕа буолуоҕа. edersaas.ru
0
0
