Ааспыт сууккаҕа матассыыкыллаах сылдьан икки суол быраабылатын кэһии таҕыста. Иккиэннэригэр уруулга олорбуттар туһааннаах тимир көлөнү ыытыыга бырааптара суох, ГИБДД пресс-сулууспата СИА-ҕа иһитиннэрдэ.
Ыам ыйын 19 күнүгэр киэһэ 22.30 чааска Мэҥэ Хаҥалас улууһун Майа с. балыыһатыгар медицинскай көмөҕө наадыйан араас эчэйиилээх 20-лээх киһи кэллэ. Суол быһылааныгар түбэспит. Быһаарсыы түмүгүнэн, эдэр киһи Хорообукка «Восход» матассыыкыллаах сылдьан, көлөтүттэн бырахтарбыт.
Иккис түбэлтэ Чурапчыга ыам ыйын 20 күнүгэр буолла. Түүн 1 чаас саҕана 18 саастаах эдэр киһи «Регулмото» матассыыкылынан сылгыны түҥнэри көттө. Дьиэ кыыла миэстэтигэр өллө. Бэйэтэ элбэх эчэйиилээх балыыһаҕа киирдэ, 16 саастаах пассажира тугун да өлөрбөтө.
Бу икки түбэлтэҕэ айанньыттар матассыыкыл ыытар бырааптара суох. Шлемнара уонна харыстанар сириэстибэлэрэ суох. Техникалара регистрацияламматах. Административнай матырыйааллар ДПС инспектордарынан оҥоһулуннулар.
Суолга сэрэхтээх буолуҥ.
