Федеральнай бүддьүөттэн 16 млрд солкуобайтан тахсаны “Арассыыйа Федерациятын Арктикатааҕы зонатын социальнай-экономическай сайдыыта” судаарыстыбаннай бырагырааманы олоххо киллэриигэ ыытарга былаанныыллар. Бу туһунан “2019 сылга уонна 2020 уонна 2021 сыллардааҕы былааннаах кэмҥэ федеральнай бүддьүөт туһунан” федеральнай сокуон барылын быһаарыы суругар этиллэр.
«Тустаах бырагырааманы олоххо киллэриигэ сокуон барылыгар көрүллүбүт бүддьүөт үбэ 2019 сылга — 5 млрд 675,8 мөл солкуобайга, 2020 сылга – 5 млрд 513,9 мөл солк., 2021 сылга – 4 млрд 896,1 мөл сол тэҥнэһэр”, — диэн этиллэр саппыыскаҕа.
Госбырагыраама “Арассыыйа Федерациятын Арктикатааҕы зонатын тэтимнээх социальнай-экономическай сайдыытыгар усулуобуйаны тэрийии, тирэх пууннары уонна кинилэр үлэлэрин тэрийии” хос бырагырааматыттан турар.
2017 сыл атырдьах ыйыгар бырабыыталыстыба “Арассыыйа Федерациятын Арктикатааҕы зонатын социальнай-экономическай сайдыыта” судаарыстыбаннай бырагыраама саҥа эрэдээксийэтин бигэргэппитэ.
Арктика Арассыыйатаҕы чааһыгар Мурманскай, Архангельскай уобаластар, Коми уонна Саха сирэ, ону тэҥэ Красноярскай кыраай, Ненецкэй, Чукотка, Ямало-Ненецкай автономнай уокуруктар, Хотугу Муустаах акыйааҥҥа баар сирдэр уонна арыылар уонна Саха сирин сорох улуустара киирэллэр.
