Киин аэрологическай обсерватория Як-40 зондировщик-сөмөлүөтэ илин эҥэр улуустарга үлэлиир. Аммаҕа сөҥүү түһүүтэ эбилиннэ. Ол туһунан суһал штаб мунньаҕар эттилэр.
Амма улууһугар муниципальнай таһымнаах ЧС эрэһиимэ биллэриллэн турар. Икки ойуур баһаара баара биллэр. Биир уот Болугуртан 32 км бэлиэтэннэ. 22 киһи үлэлиир, тыраахтыр ыытылынна. Иккис уот Өнньүөстэн 40 км сиргэ турбута бэс ыйын 9 күнүгэр биллибитэ. Иэнэ бу күннэргэ 470 га диэри улаатта. Баһаары утары 99 киһи үлэлиир.
Як-40 Амманы таһынан Томпо оройуонун соҕуруу өттүгэр, Тааттаҕа уонна Чурапчыга үлэлээтэ. Барыта 140 пироботуруон туттулунна.
