Усуйаана улууһун Депутатскай бөһүөлэгэр Албан аат аллеятыгар «Кыайыы знамята» эстафетаны көрүстүлэр. «Ирбис» байыаннай-патриотическай оскуола этэрээтин чилиэннэрэ кыттыыны ыллылар. Ол туһунан регион салалтатын пресс-сулууспата суруйда.
Дьаһалга бэтэрээннэр, оскуола үөрэнээччилэрэ, олохтоохтор уонна Усть-Куйга, Нижнеянскай, Силээннээх, Казачье, Тумат, Уус-Дьааҥы, Юкагир, Уянди нэһилиэгиттэн бэрэстэбиитэллэр кытыннылар.
Усуйаана баһылыгын солбуйааччы Нюргуяна Босикова, байыаннай комиссар Владимир Лясин, Депутатскай баһылыга Наталья Погорельская Аҕа дойду улуу сэриитигэр Кыайыы 80 сылыгар, Россияҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар анаммыт эстафета сүрүн сыалын кэпсээтилэр.
Санаттахха, патриотическай акцияҕа старды Ил Дархан Айсен Николаев ааспыт сыл ахсынньытыгар оҥорбута.
Салгыы эстафетаны Эдьигээн национальнай эбэҥки оройуона ылар.
This post was published on 16.04.2025 18:18 18:18