Тэрээһин бары улууһу хапта, «Кыайыы Знамята» 34 муниципальнай оройуоҥҥа история кэрэһитэ буолан ыалдьыттаата. Өрөспүүбүлүкэ олохтоохторо геройдар өйдөбүнньүктэригэр сүгүрүйдүлэр уонна көлүөнэлэр сибээстэрин олохтоотулар.
Ыам ыйын 6 күнүгэр Улуу Кыайыы реликвията — Кыайыы Знамята — Анаабыр улууһуттан Жатайга кэллэ. Өрөгөйдөөх тэрээһин «Маяк» култуура киинигэр ыытылынна.
Жатай баһылыга Евгения Исаева бэлиэтээбитинэн, Кыайыы символа көлүөнэлэри ситимниир, фашизм халабырдьыттарыттан дойдуну көмүскээбит хорсун дьоммутун санатар.
Жатайга Знамя икки хонуоҕа, олохтоохтор махталларын этиэхтэрин, историяҕа сүгүрүйүөхтэрин сөп. Салгыы эстафета түмүктүүр сиригэр Дьокуускайга эстафетаны тириэрдии ыам ыйын 8 күнүгэр ыытыллыаҕа.
This post was published on 07.05.2025 11:01 11:01